Header Ads


உன்ன எம்புள்ளன்னு சொல்லுவேன்: சூரியிடம் மூதாட்டி நெகிழ்ச்சி

"இனி உன்னை சினிமாவுல பார்க்கிறப்ப எல்லாம் நடிகன்னு சொல்ல மாட்டேன். எம்புள்ளன்னு சொல்லுவேன்” என்று கூறினார்.

Highlights

டெல்டா கிராமமான செருவாவிடுதிக்கு புயலால் பாதிக்கப்பட்ட மக்களைப் பார்க்கச் சென்றார் நகைச்சுவை நடிகர் சூரி.
கஜா புயலால் பாதிக்கப்பட்ட மக்களைச் சந்திக்கச் சென்ற நடிகர் சூரியை மூதாட்டி ஒருவர் அன்பால் நெகிழ்ச்சி அடையச் செய்தார். 

கஜா புயல் தாக்குதலால் நாகப்பட்டினம், திருவாரூா், தஞ்சாவூா் உள்ளிட்ட காவிரி டெல்டா மாவட்டங்கள் உருக்குலைந்துள்ளன. கஜா புயல் காரணமாக இதுவரை 63 போ் உயிரிழந்துள்ளதாக தெரிவிக்கப்பட்டுள்ளது. மேலும் திருவாரூா், நாகப்பட்டினம் உள்ளிட்ட பகுதிகளில் பல குடிசைகளும், மரங்களும் சேதமடைந்துள்ளன. 

இதையடுத்து புயலால் பாதிக்கப்பட்ட பகுதிகளில் தமிழக அரசு உரிய சீரமைப்பு பணிகளை மேற்கொண்டு வருகிறது. மேலும், புயல் பாதித்த பகுதிகளில் அரசு சாரா தன்னார்வலா்களும் தங்களால் இயன்ற உதவிகளை செய்து வருகின்றனா். 

இந்நிலையில், டெல்டா கிராமமான செருவாவிடுதிக்கு புயலால் பாதிக்கப்பட்ட மக்களைப் பார்க்கச் சென்றார் நகைச்சுவை நடிகர் சூரி. அங்கிருந்த மக்களுடன் அவர் நீண்ட நேரம் உரையாடினார்.


அப்போது, மூதாட்டி ஒருவர் "உன்னைய பார்த்து இத்தனை நாள் சிரிச்சோம். இப்போ உன்னைய பார்த்து அழுவுறோம். நாங்க நிலை குலைஞ்சு கிடக்குறப்ப நேர்ல வந்து நிற்கிற பாரு... இனி உன்னை சினிமாவுல பார்க்கிறப்ப எல்லாம் நடிகன்னு சொல்ல மாட்டேன். எம்புள்ளன்னு சொல்லுவேன்” என்று கூறினார். இதைக் கேட்டு நெகிழ்ச்சி அடைந்த சூரி அவரை அணைத்து ஆறுதல் கூறினார். 
Powered by Blogger.