Header Ads


2.0 Collections Day 4: அமெரிக்கா முதல் குமரி வரை- இமாலய வசூல் சாதனை படைத்து வரும் 2.0..!!

ரஜினி நடித்துள்ள 2.0 திரைப்படம் வெளியாகி நான்கு நாட்கள் கடந்துவிட்ட நிலையில், தொடர்ந்து வசூலில் முன்னிலை பெற்று வருகிறது. விமர்சனங்கள் ரீதியாகவும், வசூலின் அடிப்படையிலும் வரவேற்பு பெற்று வரும் 2.0 திரைப்படம், இந்திய சினிமாவில் உருவாக்கப்பட்ட அதிக பட்ஜெட் படம்.
ரஜினிகாந்த், ஷங்கர் கூட்டணியில் வெளியான 2.0 படத்துக்கு மிகப்பெரிய வரவேற்பு கிடைத்து வரும் நிலையில், வசூல் நிலவரத்தில் அந்த படம் புதிய உச்சத்தை அடைந்துள்ளது. 

வார நாட்களில் 2.0 திரைப்படத்தின் வசூல் புதிய சாதனையை பெற்ற நிலையில், சனி மற்றும் ஞாயிற்றுக்கிழமைகளில் இப்படம் நிலையான வசூலை பதிவு செய்ததாக பாக்ஸ் ஆஃபிஸ் வட்டாரங்கள் தகவல் தெரிவித்தன. குழந்தைகள் முதல் பெரியவர்கள் வரை, படித்தவர்கள் முதல் பாமரர்கள் வரை, பிரபலங்கள் முதல் அரசியல் தலைவர்கள் என இந்தியா முழுவதும் 2.0 படத்தை காண ஆவலுடன் காத்திருக்கின்றனர். கடந்த 29ம் தேதி சென்னையில் காசி திரையரங்கத்தில் இப்படத்தின் முதல் காட்சி காலை 4 மணிக்கு திரையிடப்பட்டது. திரையரங்கம் முன்பு குவிந்திருந்த ரஜினி ரசிகர்கள் பட்டாசுகள் வெடித்து, இனிப்புகள் வழங்கி படத்தை பார்த்தனர். 

இந்நிலையில் 2.0 படத்தின் முதல்நாள் வசூல் நிலவரங்கள் வெளியாகின. அதன்படி, சென்னையில் ரூ. 4.77 கோடியை முதல்நாள் வசூலாக இப்படம் பதிவு செய்தது. தொடர்ந்து, உலகளவில் 2.0 படம் ரூ. 74 கோடியை முதல் நாள் வசூலாக பெற்றது. இதன்மூலம், இந்தியாவில் தயாரிக்கப்பட்ட திரைப்படம் ஒன்று, வெளியான முதல் நாளிலேயே ரூ. 70 கோடிக்கு மேல் வசூலை பதிவு செய்த முதல் படம் என்ற சாதனை படைத்தது ’2.0’. அதை தொடர்ந்து இரண்டாவது நாளிலும் இப்படம் அதிக வசூலை பெற்றது. 

அதாவது, வெளியான இரண்டே நாட்களில் ரூ. 100 கோடி வசூலை கடந்த முதல் இந்திய திரைப்படம் என்ற பெருமை 2.0-க்கு கிடைத்தது. இரண்டாவது நாள் வசூல் நிலவரப்படி, 2.0 திரைப்படம் சென்னையில் 2.37 கோடி உட்பட உலகளவில் மொத்தமாக ரூ. 50 கோடி வசூலை கடந்துள்ளதாக தகவல்கள் வெளிவந்தன. இந்நிலையில் வார இறுதி நாட்களான நேற்று மற்றும் நேற்று முன்தினமும் சேர்த்து இதுவரை 2.0 படம் ரூ. 400 கோடி வரை வசூல் செய்துள்ளதாக தகவல் தெரிவிக்கப்பட்டது. 

மேலும், அமெரிக்காவில் கடந்த வாரம் வெளியான ஹாலிவுட் படங்களை பின்னுக்கு தள்ளி 2.0 திரைப்படம் இதுவரை 52.5 மில்லியன் அமெரிக்க டாலர்களை வசூலித்துள்ளதாக தகவல்கள் தெரிவிக்கின்றன. அதேபோல கடந்த ஞாயிற்றுக்கிழமை வரை 2.0 படத்தின் தெலுங்கு பதிப்பு ரூ. 50 கோடியையும், இந்தி பதிப்பு ரூ. 94 கோடியையும் வசூலித்துள்ளதாக கூறப்படுகிறது. 

விமர்சனங்கள் ரீதியாகவும், வசூலின் அடிப்படையிலும் வரவேற்பு பெற்று வரும் 2.0 திரைப்படம், இந்திய சினிமாவில் உருவாக்கப்பட்ட அதிக பட்ஜெட் படம். கடந்த 29ம் தேதி பெரிய எதிர்பார்ப்புக்கு மத்தியில் வெளியான 2.0 தமிழில் நேரடியாகவும் இந்தி, தெலுங்கு, மலையாளம் உட்பட பல மொழிகளில் மொழிமாற்றம் செய்யப்பட்டு அதேநாளில் வெளிவந்தது. 

இதுவரை இந்திய சினிமாவின் அடையாளம் பாலிவுட்டாக இருந்து வந்தது. ஆனால் இந்தியாவில் உருவாக்கப்பட்டு அதிக வசூலை ஈட்டிய படம் என்ற சாதனையை தெலுங்கு படமாக ’பாகுபலி’ படைத்துள்ளது. அதேபோல தொழில்நுட்ப மேம்பாட்டு பணிகளுடன், அதிக பொருட்செலவில் உருவாக்கப்பட்ட இந்தியப் படம் என்ற சாதனையை தமிழில் தயாரிக்கப்பட்டுள்ள ‘2.0’ படைத்துள்ளது. இந்நிலையில் இந்தியா சினிமாவின் புதிய அடையாளமாக தென்னிந்திய திரைத்துறை மாறிவருவது இங்குள்ள ரசிகர்கள் மத்தியில் மகிழ்ச்சியை ஏற்படுத்தியுள்ளது. 

Powered by Blogger.