Header Ads


Robot 2.0 Collection: வார இறுதி நாட்களில் தூள் கிளப்பும் 2.0 படத்தின் வசூல்..!!

ரஜினி நடித்துள்ள 2.0 திரைப்படம் வெளியாகி மூன்று நாட்களை கடந்துவிட்ட நிலையில், தொடர்ந்து வசூலில் முன்னிலை பெற்று வருகிறது.
வார இறுதிநாட்களின் முதல்நாளான நேற்று 2.0 திரைப்படம் நிலையான வசூலை பதிவு செய்துள்ளதாக பாக்ஸ் ஆஃபிஸ் வட்டாரங்கள் தகவல் தெரிவித்துள்ளன. குழந்தைகள் முதல் பெரியவர்கள் வரை, படித்தவர்கள் முதல் பாமரர்கள் வரை, பிரபலங்கள் முதல் அரசியல் தலைவர்கள் என இந்தியா முழுவதும் 2.0 படத்தை காண ஆவலுடன் காத்திருக்கின்றனர். கடந்த 29ம் தேதி சென்னையில் காசி திரையரங்கத்தில் இப்படத்தின் முதல் காட்சி காலை 4 மணிக்கு திரையிடப்பட்டது. திரையரங்கம் முன்பு குவிந்திருந்த ரஜினி ரசிகர்கள் பட்டாசுகள் வெடித்து, இனிப்புகள் வழங்கி படத்தை பார்த்தனர். 
இந்நிலையில் 2.0 படத்தின் முதல்நாள் வசூல் நிலவரங்கள் வெளியாகின. அதன்படி, சென்னையில் ரூ. 4.77 கோடியை முதல்நாள் வசூலாக இப்படம் பதிவு செய்தது. தொடர்ந்து, உலகளவில் 2.0 படம் ரூ. 74 கோடியை முதல் நாள் வசூலாக பெற்றது. இதன்மூலம், இந்தியாவில் தயாரிக்கப்பட்ட திரைப்படம் ஒன்று, வெளியான முதல் நாளிலேயே ரூ. 70 கோடிக்கு மேல் வசூலை பதிவு செய்த முதல் படம் என்ற சாதனை படைத்தது ’2.0’. அதை தொடர்ந்து இரண்டாவது நாளிலும் இப்படம் அதிக வசூலை பெற்றது. அதாவது, வெளியான இரண்டே நாட்களில் ரூ. 100 கோடி வசூலை கடந்த முதல் இந்திய திரைப்படம் என்ற பெருமை 2.0-க்கு கிடைத்தது. இரண்டாவது நாள் வசூல் நிலவரப்படி, 2.0 திரைப்படம் சென்னையில் 2.37 கோடி உட்பட உலகளவில் மொத்தமாக ரூ. 50 கோடி வசூலை கடந்துள்ளதாக தகவல்கள் வெளிவந்தன. இந்நிலையில் வார இறுதி நாட்களின் முதல் நாளான நேற்று, இப்படம் இந்தியளவில் ரூ. 24 கோடி வசூலை பெற்றுள்ளது. இதன்மூலம் உலகளவில் இதன் வசூல் ரூ. 62.25 கோடியாக உள்ளது என பாக்ஸ் ஆஃபிஸிலிருந்து தகவல்கள் வெளிவந்துள்ளன.

இந்நிலையில், 2.0 படம் ரூ. 543 கோடி பட்ஜெட்டில் தயாரிக்கப்பட்டுள்ளது. அதற்கு ஏற்றார் போல படத்தின் வசூலை தக்கவைத்துக் கொள்வதில் சற்று தாமதம் ஏற்படலாம் என பாக்ஸ் ஆஃபிஸ் வல்லுநர்கள் கூறுகின்றனர். 

Powered by Blogger.